Купи билет он-лајн
МАКЕДОНСКИ НАРОДЕН ТЕАТАР ЗА САРА

Почитувани,

Македонскиот народен театар се приклучува на хуманитарната акција за помош на 15-годишната Сара Настеска од Охрид, кај која неодамна е дијагностицирана ANEMIA APLASTICA, болест што ја напаѓа коскената срж и не дозволува правилна регенерација на крвта во организмот, па неопходна е трансплантацијата на коскената срж. 

За таа цел, Македонскиот народен театар одлучи претставата „Силјан Штркот шанца“ по текст на Дејан Дуковски и во режија на Срѓан Јаниќијевиќ, што ќе биде изведена на редовниот репертоар на 31 октомври во 20 часот, да биде со хуманитарен карактер и средствата добиени со продажбата на билетите ќе бидат уплатени на сметката за помош на семејството Настески од Охрид. 

Апелот за помош во јавноста го испрати семејството Настески, а нивниот 13-годишен син Виктор е единствен сроден донатор на коскена срцевина за Сара. Македонскиот народен театар сочувствува со загриженоста на семејството Настески и посакува успех на донаторската акција и на оперативниот зафат на младата Сара Настески. 

https://www.facebook.com/events/270048146974790/

Срдечно, 

Македонски народен театар



Виртуелна прошетка Музеј

БИЛЕТАРНИЦА: +389.2.3230.304
АДМИНИСТРАЦИЈА: +389.2.3216.725
МАРКЕТИНГ: +389.2.3216.366

АДРЕСА: ул. 11 Март бр. 3, 1000 Скопје, Македонија

e-mail: info@mnt.mk

Какви известувања сакате да добивате?