BIVIR...BIVIR (ДА СЕ ПРЕЖИВЕЕ) Монодрама за идентитетот, меморијата и заветот на преживеаните „Ако преживееш – мора да раскажеш. Тоа е твојата света должност.“ BIVIR е приказна за Хана Коен – една од ретките која и покрај сите премрежја, го изоди патот од битолското „Чифлик маало“ до ветениот Ерусалим. Ова не е само историски наратив за холокаустот; ова е интимна исповед која ги преплетува судбините на еврејскиот и македонскиот народ. Низ фрагменти од сеќавања, Хана не води низ различни простори во различно време на различни јазици (Ладино, Македонски, Српски и Ромски), трагајќи по одговорот на вечното прашање: *Кои сме кога светот се обидува да не избрише?* ЗОШТО „BIVIR“? На јазикот на Сефардите, Bivir значи да се преживее. Клучни теми кои ги отвора драмакиот текст а и самата постановка се: Идентитет под опсада- паралела помеѓу историската голгота на Евреите и современите предизвици на македонската самобитност. Како еден културен мозаик, оваа претстава не води низ Специфичниот дух на стара Битола, звуците на Шабат и ехото на минатото. Монодрамскиот текст Bivir...bivir е добитник на трета награда на анонимниот конкурс за монодрамски текстови (НУ Центар за култура – Битола, 2023). Универзална порака која ја носи оваа претстава е комуникацијата со меѓународната публика преку теми за човековите права, траумата и надежта. „Животот го играме... приказната ја живееме." BIVIR... – доказ дека само живите можат да го победат заборавот