Купи билет - чист
Сценски спектакл „Сонцето, колку е блиску сонцето“ Made in МNT

Сценски спектакл „Сонцето, колку е блиску сонцето“ Made in МNT

  • Режисер: Дејан Пројковски
  • Информации:

    Асистент на режисерот: Андреј Цветановски
    Драматизацијата е на: Дејан Пројковски и Андреј Цветановски
     
    Сценограф: Валентин Светозарев
    Костимограф: Марија Пупучевска

    Композитор: Горан Трајкоски
    Кореограф: Олга Панго
    Асистент на кореографот: Ирена Лозинска
    Дизајнер на 3Д-видеомапинг: Сергеј Светозарев

    Претставата е во продукција на РСМ НУ Македонски народен театар

    Проектот е подржан од Министерство за култура и туризам 
  • Премиерна изведба: Понеделник, 29 Декември 2025
  • Времетраење: 135 минути
  • Пауза: Не
  • Сцена: Голема
Фото галерија
 
Во пресрет на 80 години од постоењето на Македонскиот народен театар, на 29 декември, на големата сцена, премиерно ќе биде изведен сценскиот спектакл „Сонцето, колку е блиску сонцето – Made in МNT“, од истакнатиот режисер Дејан Пројковски.
Претставата е спој на минатото и сегашноста преку клучните вредности на МНТ – љубов, умeтничка храброст, посветеност, визија, тимска работа, чување на традицијата и создавање нови вредности за иднината.
Претставата е аудиовизуелно патување низ македонската драматургија, поезија, проза и ликовна уметност. Емотивна приказна посветена на големите актери, режисери, драматурзи и на сите оние професионалци зад кулисите, задолжени за создавањето на сценскиот универзум во МНТ.

Во претставата учествува огромна актерска екипа од ансамблот на Македонскиот народен театар, оперски пејачи и актери и студенти по актерска игра од Факултетот за драмски уметности и Еуропа Прима во кореографија на Олга Панго и асистент на кореографот Ирена Лозинска. Асистент на режија е Андреј Цветановски. Сценографијата е на Валентин Светозарев, за костимите е задолжена Марија Пупучевска, музиката е на композитор: Горан Трајкоски и дизајнер на 3Д-видеомапинг е Сергеј Светозарев.

Публиката ќе биде дел од големо патување во театарот на сонцето. Големиот сценски спектакл ќе спои повеќе изразни средства со акцент на 3Д-видеомапингот. Идејата е преку создавање мултимедијални сцени на оригинален начин, пред сѐ, преку силно визуелен израз да се раскаже 80-годишното театарско постоење на МНТ.
Сценскиот перформанс е инспириран од сѐ она што е важно, амблематично и препознатливо за Македонскиот народен театар, за македонската култура и традиција и за Македонија, воопшто.
„Перформансот е големо патување низ националната драма и сите основоположници на македонската драма и литература. Во претставата ќе бидат претставени сценски слики од највпечатливите моменти на сите големи автори на големата драматика, како и сите оние слики што се втиснати во колективната меморија и традиција. Претставата е аудиовизуелно патување низ македонската драматургија, поезија, проза, песна и ликовна уметност. На сцената преку уметничката визија ќе видиме сценски слики што се значајни за нашиот идентитет, преку кои создаваме мозаик од музика, поезија, приказни, кои го направиле МНТ столб и чувар на нашата култура и традиција“, вели режисерот Пројковски.
 

 

Фото галерија

View the embedded image gallery online at:
https://mnt.mk/pretstavi-menu/tekovni-pretstavi/scenski-spektakl-sonceto-kolku-e-blisku-sonceto-made-in-mnt#sigProId4c96f8a354
врати се горе
Виртуелна прошетка Музеј

БИЛЕТАРНИЦА:
+389.2.3230.304

АДМИНИСТРАЦИЈА:
+389.2.3216.725

АДРЕСА:
ул. 11 Март бр. 3, 1000 Скопје

e-mail: info@mnt.mk